Naija vs Mask

Share and Enjoy !

Shares

Wen we talk about our own country Nigeria, hmmn… make I tell una true, corona virus dey too o, and no bi only the 3 person wey dem tell us get am o, e don plenti pas like dat o, make you no let anybody tell you lie. You no say for Nigeria, our govanment dey like to dey lie to us too much, dem go dey cover wetin dem no supoz cover and open de one wey dem no supoz open, sebi we don no how dem since. For now, dem neva get cure for corona o, leave dat tin wey dem dey say garlic, ginger, okro, etc, dem neva confam dem o. De only tin wey be true for now na make you dey take vitamin C every day, wey go make your body strong kampe, so dat e no go dey easy make you fall sick, vitamin C dey make your immune system dey strong.
Anoda tin na to dey wash your hand every time wit soap, no dey touch everytin wey you see, no dey touch your eyes, inside your nose, ear,etc too much, dey drink water many times so that if e bi say e dey for your throat, de water go wash an quick quick go inside your belle, where e go die becos inside belle dey hot, and heat dey kill the virus if e neva enter inside body well well.
For the people wey dey use dat face mask, make we dey wear am well. De correct way to wear am if you get any disease na to wear am, make de green side cover your mouth and nose, and de white side go dey outside, but if you neva get disease, you go wear am make de green part face outside and de white side cover your mouth.My people, na here we go break am for today. Make we join hands togeda to push corona virus comot for dis world.

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x